Janë publikuar përgjigjet e sakta të pyetjeve të testit të Gjuhës Shqipe dhe Letërsisë për maturantët.
Pyetja që ka tërhequr më shumë vëmendjen është ajo me personazh kryesor “Turin”, që u bë edhe objekt talljesh në rrjetet sociale.
Për shkak se maturantët i kanë konsideruar disa nga pyetjet si të pakuptimta, prej 3 ditësh kanë dalë në protesta duke i kërkuar Ministrisë s ëArsimit që të mos penalizohen për këto pyetje.
Por cila ishte pyetja e shumëpërfolur?
Barka filloi të rrëshqiste me shpejtësi përgjatë lumit të rrëmbyer, ndërsa katër njerëzit që ndodheshin në të , bërtisnin nga euforia. Zemrat e tyre rrihnin fort, ndërsa manovronin me shkathtësi lopatat përmes ujërave të trazuara. Madje dhe Turi, i cili fillimisht ishte ndjerë i shqetësuar në lidhje me udhëtimin me barkë, e harroi frikën kur valët e akullta përplaseshin mbi të. Papritur, ai vështroi skajet e mprehta të një shkëmbi të dhëmbëzuar që iu shfaq përpara.
Cila nga fjalitë e mëposhtme mund të vijojë në të njëjtin stil aksionin e nisur në paragrafin e dhënë më sipër?
A) Duke u përqëndruar, Turi u përpoq të kujtonte procedurën e saktë për ta kthyer barkën në një pozicion të sigurt.
B) Ndërkohë, uji i ftohtë i lumit vazhdoi të përplasej në anët e barkës duke i bërë qull Turin dhe miqtë e tij.
C) Turi e dinte që ai dhe miqtë e tij ishin të përgatitur për t’ia dalë në situata të tilla.
D) Turi u hodh në të djathtë për të shmangur shkëmbin dhe gati e përmbysi varkën.
Përgjigja e saktë është në alternativën “D”, sipas përgjigjeve që ka publikuar Ministria e Arsimit.
Njoftimi i ministrisë:
Testi që po publikojmë, është vetëm njëri nga katër variantet e zhvilluara në provimin e Gjuhës shqipe dhe letërsisë për Maturën Shtetërore 2020.
Të gjitha variantet kanë pyetje të njëjta, por renditja e tyre si edhe renditja e alternativave për secilën pyetje ndryshon në çdo variant.
Në variantin e dhënë më poshtë alternativat e sakta janë të theksuara.
