Një makinë mori flakë në ecje e sipër afër Pazarit të Vjetër në qytetin e Korçës.
Nuk dihen ende shkaqet, por dyshimet paraprake janë për një shkëndijë elektrike, e cila mund të ketë shkaktuar dhe zjarrin në automjetin tip “Volkswagen”.
Në automjet ndodheshin një çift bashkëshortësh me fëmijën 7- vjeç. Ata shpëtuan pa lëndime.
“Nuk ndjemë asgjë vetëm kur mori flakë. Isha unë bashkë me gruan dhe fëmijën e vogël. Dolëm në kohë. Dyshohet se mori flakë prej një shkëndije elektrike”, tha drejtuesi i mjetit.
