Një banesë në katin e katërt të një pallati në Durrës është përfshirë nga flakët. Policia bën me dije se zjarri ka ardhur prej një shkëndije elektrike.
Nga zjarri ka vetëm dëme materiale.
NJOFTIMI NGA POLICIA
Durrës/Informacion paraprak
Më datë 30.01.2021, në orën 16:20, në lagjen nr.11, Durrës, në katin e katërt të një pallati, si pasojë e një shkëndije elektrike, ka rënë zjarr në banesën e shtetasit B. B., nga e cila ka vetëm dëme materiale.
Shërbimet e Policisë dhe shërbimet e zjarrfikëses kanë bërë të mundur shuarjen e zjarrit. Grupi hetimor po punon për zbardhjen e rrethanave të ngjarjes.
