Në fjalimin e Vitit të Ri, kancelarja konservatore Angela Merkel, premtoi këtë të dielë se do të adresonte ndasitë sociale në rritje, ndërkohë që punon për krijimin e një qeverie gjermane stabël.
Merkel parashtroi prioritetet e saj kyçe, përfshirë edhe rritjen e investimeve në siguri dhe mbrojtje, kujdes të përmirësuar shëndetësor dhe edukim.
“Bota nuk pret për ne. Ne duhet të krijojmë kushtet që të garantojmë që Gjermania të vazhdojë drejt prosperitetit të paktën për 10-15 vitet e ardhshme. Gjermania do të lulëzojë vetëm nëse suksesi i saj do t’i shërbejë të gjithë njerëzve dhe do të përmirësojë e pasurojë jetët tona”, tha Merkel.
