Të zellshmit e Propagandës së Rilindjes, flasin shpesh e më shpesh për një izolim të plotë ndërkombëtar të opozitës. Portreti i Luigi Soreca-s, bodigardizimi i Bern Bochard-it, deklaratat e Ambasadës Amerikane në vigjilje të tubimeve janë shenja që e gjithë bota është me qeverinë dhe kundër opozitës.
Kaq e vërtetë është kjo, sa Edi Rama kërcënon që pas 30 qershorit kundërshtarët e tij do t’i izolojë në atdhe si në kohën e klonit, sepse nuk do ketë viza për ta as në BE, as në SHBA.
Me gjasë nuk do ketë viza me gjithë mend, por jo vetëm për kundërshtarët, por edhe për socat, sepse Holanda çeli një precedent të panjohur në Komisionin Europian.
Atëherë, meqë Edi Rama dhe Rilindja ka mbështetjen e ndërkombëtarëve përse po na i heqin vizat?
Ka opozita faj që banditët e votave të Rilindjes kapën portet e Amsterdamit dhe jo vetëm?
Përse Edi Rama nuk u thotë mbështetësve të tij ndërkombëtarë ta rregullojnë këtë punë?
Përse Luigi Soreca dhe Bern Bochard nuk u thonë atyre që Edi Rama është shok i mirë dhe ata ta shprehin mbështetjen e tyre duke ia ledhatuar pëqinë?
A mos vallë shenjë e vendosjes së vizave është mbështetja e madhe që ka qeveria nga ndërkombëtarët?
A mos vallë ndërkombëtarët ta mbështesin me izolim?
