Këngëtari i njohur, Mentor Haziri i ftuar tek ABC-ja e Mëngjesit, foli mes të tjerash dhe për Eurovisionin. Kujtojmë se artisti reagoi ashpër para se të niste festivali i RTSH-së, ku u shpall fituese Ronela Hajati, pasi nuk ishte përzgjedhur për të marrë pjesë.
I pyetur lidhur me Ronelën që do të këndojë sonte e para në gjysmëfinale, Mentori tha se ajo është premtuese dhe se do të bëjë një performancë të jashtëzakonshme. Por shtoi se nëse do të merrte pjesë ai do t’i linte pa fjalë me performancën dhe zërin që ka.
“Duhet ta përkrahim në maksimum. I uroj më të mirat. Do të bëjë një performancë të jashtëzakonshme sepse ka dhe stilin e atillë. Shpresoj që të bëjë një bum dhe nam të madh në Eurovision. Në Torino është një skenë gjigante dhe duhet të jesh i përgatitur. Jo vetëm të vallëzosh dhe të këndosh. Ka shumë performanca të njëjta si Ronela dhe mendoj se është një konkurrencë të madhe sa i përket llojit të performancës si Ronela. Po merr një vëmendje të madhe me gjithë veshjen avangarde. Mendoj se do të ketë sukses. Njerëzit e kanë bullizuar për dukjen por duhet të japë më të mirën dhe duhet të na e ndrisë fytyrën. E di që kam pasur një beef. Nëse do të isha unë atje do të kisha qenë më ndryshe. Do t’i kisha tmerruar me performancat e mia, me zërin tim. Do të isha goxha ekskluziv në Eurovision”, tha këngëtari.
