Dy aksidente të renda i kanë marrë jetën tre personave mëngjesin e sotëm.
Aksidenti i parë ndodhi në Korçe kur një këmbësor është goditur nga një mjet dhe ka humbur jetën menjëherë. Policia arrestoi drejtuesin e mjetit dhe ai është Fatos Kapushi, 40 vjeç banues fshatin Podgorie, Korçë, ndërsa viktima një 74-vjeçar nga Pogradeci.
Një aksident tjetër i rëndë me pasojë vdekjen e dy personave dhe plagosjen e tre të tjerëve ndodhi mëngjesin e sotëm në aksin Lezhë- Tiranë. Dy automjete tip “Benz” u përplasën rreth orës 05: 10, në rrugën nacionale Lezhë-Tiranë, në Fushë -Milot , në një segment rrugë pa ndriçim.
Policia ndodhet në vendngjarje, ndërsa shkaqet e aksidentit janë ende të paqarta.
