Eurostat: Në 2015 kërkesat për azil u rritën 439 për qind
Janë më mijëra të rinjtë shqiptarë që duan të lënë vendin. Sipas shifrave të publikuara së fundi nga Eurostat, kërkesat për azil të shqiptarëve në vendet e BE në vitin 2015 janë rritur me 439 për qind. Gjatë 2015 66 mijë persona kërkuan azil në një vend të Bashkimit Europian, ndërkohë që një vit më parë numri I tyre kishte qenë 12 mijë. Statistika që sjell Eurosig është numri i atyre që zyrtarisht kanë kërkuar azil në një vend europian, por numri i atyre që kanë lënë vendin është shumë më tepër se shifra zyrtare prej 66 mijë vetësh.
Sipas statistikave të rinjtë janë grupmosha që poi kin masivisht. Të dhënat e Eurostat tregojnë se grupmosha nga 18 deri në 34 vjeç përbën gati 45 për qind të azilkërkuesve nga Shqipëria. Shqipëria e ka po ashtu shumë të lartë dhe përqindjen e fëmijëve që ikin me prindërit e tyre. Grupmosha 0-13 vjeç zë 26 për qind të totalit të azilkërkuesve.
Sipas shifrave të bëra publike nga Eurostat, në tremujorin e katërt të 2015, 70 për qind e azilkërkuesve shqiptarë kërkuan të jetojnë në Gjermani, ndërsa pjesa tjetër ka aplikuar në Francë, Suedi, Hollandë dhe Britaninë e Madhe.
