Si pasojë e një shpërthimi në një treg fishekzjarresh në Meksikë, kanë humbur jetën të paktën 29 persona dhe 72 të tjerë janë plagosur.
Lajmin e bëjnë të ditur agjencitë lokale, sipas të cilave tregu ndodhet në Tultepec, 40 kilometra në veri të Meksiko Sitit dhe ishte i tejmbushur me qytetarë që blinin fishekzjarre për të festuar Vitin e Ri.
Rreth 25 ambulanca kanë shkuar menjëherë në vendngjarje, ndërsa autoritete kanë bërë apel që qytetarët të qëndrojnë larg kësaj zone.
Ende nuk dihen arsyet e këtij shpërthimi, pasi autoritetet që thonë se fillimisht janë të përkushtuar të kujdesen për njerëzit që kanë pësuar nga kjo ngjarje dhe më pas do të nisin hetimet për ngjarjen.
