Mediat italiane e bëjnë të kryer, Hysaj drejt gjigantit Europian

Tottenham Hotspur thuhet se janë favorit kryesorë për të firmosur me mbrojtësin e kombëtares shqiptare, Elseid Hysaj.

Gjiganti britanik ka mungesa në krahun e djathtë të mbrojtjes, që prej largimit të Kieran Trippier drejt Atletico Madrid dhe Hysaj shihet si pasuesi ideal i anglezit. Ishin pikërisht spanjollët ata që “luftuan” deri në fund për të siguruar shërbimet e Hysaj, por me blerjen e Trippier kanë dalë jashtë gare.

Në këtë situatë, “Radio Kiss Kiss” zbulon se  “Gjelat” janë skuadra e vetme e interesuar për Hysaj, edhe pse pritet një tjetër ofensivë nga Roma. Napoli po kërkon 25 milionë euro për 25 vjeçarin, i cili mund të luajë edhe në krahun e majtë të mbrojtjes, por ideali është në të djathtë.