Kryeministri grek do të pres në një takim në orë 5 të pasdites Ministrin e Jashtëm Egjiptian, më pas do të pres kryeministrin shqiptar Edi Rama me të cilin do të diskutojë zgjerimin e ujërave territoriale në Detin Jon nga 6 në 12 milje.
Mediat greke shkruajnë se takimi midis dy homologëve do të zhvillohet në orën 9 të mbrëmjes së sotme ku Mitsotakis do të diskutojë me Ramën çështjen më me interes për Greqinë që është zgjerimi në Jon, ndërsa Shqipëria nga ana e saj kërkon mbështetjen greke në lidhje me hapjen e negociatave me BE.
Gjithashtu mediat greke kujtojnë dhe marrëveshjen e firmosur më 27 prill të vitit 2009 mes Shqipërisë dhe Greqisë nga ish-ministri i Jashtëm në atë kohë Lulzim Basha u rrëzua nga Gjykata Kushtetuese 1 vit më vonë, më 15 prill të 2010.
Shtypi grek nuk lë pa përmenduar zhvillimet nga Ankaraja ku shkruan se pritet të ketë një reagim nga presidenti turk Erdogan për të parandaluar marrëveshjen midis Greqisë dhe Shqipërisë e cila do të ishte marrëshja e tretë kjo për Athinën me vendet fqinje, pas asaj me Italinë dhe Egjiptin.
Kryeministri grek do të presë gjithashtu në orën 12:30 në Pallatin Maximos në Athinë, Presidentin e Këshillit Evropian Charles Michel. Pas takimit të tyre do të ketë dhe një deklaratë për mediat./www.newsbeast.gr/
