Policia ka arrestuar një 54-vjeçar nga Korça, pasi u kap me armë zjarri, municione luftarake pa leje dhe një sasi prej 40 mijë euro të pajustifikuara.
Në pranga u vu shtetasi me iniciale D.Ç., 54 vjeç, banues në fshatin Dishnicë, Korçë.
Njoftimi i policisë
Nga informacione të siguruara në rrugë policore, si edhe nga kontrolli që shërbimet e Komisariatit të Policisë Korçë ushtruan në lokalin dhe më pas në banesën e tij, iu gjetën e sekuestruan në cilësinë e provës materiale, një armë zjarri tip pistoletë me mulli, me 6 fishekë luftarakë pa leje, si edhe rreth 40 000 Euro, sasi monetare kjo e pajustifikuar nga 54-vjeçari.
I arrestuari dyshohet të ketë konsumuar elementë të veprave penale “Mbajtja pa leje dhe prodhimi i armëve, armëve shpërthyese dhe i municionit” dhe “Pastrimi i produkteve të veprës penale ose veprimtarisë kriminale”.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.
