Kryebashkiku Erion Veliaj, njëherësh edhe drejtuesi politik i Tiranës ka nisur përgatitjen e terrenit për zgjedhjet në dy bashkitë, Rrogozhinë dhe Vorë.
Sot Veliaj ishte në Vorë ku ka zhvilluar takim me strukturat. Të kthyer në traditë, në facebook e tij janë publikuar edhe fotot e suksesit.
Mirëpo, një detaj nuk i ka shpëtuar mediave. Në një prej fotove, një person shfaqet me kokën ulur, që duket se Veliaj nuk ka dashur ta zbulojë.
Por duket se nu kia ka dalë, pasi është “tradhtuar”. Në foto është ish-kryebashkiaku Agim Kajmaku, i cili prej kohësh jetoi në arrati.
A do ta risjellë sërish Veliaj, Kajmakun? Kjo mbetet për t’u parë. Ish-kryebashkiaku ka pasur përplasje të fortë me Belinda Ballukun, ndërsa duket se krahët i ka të ngrohtë nga Erion Veliaj.
Kujtojmë se Kajmaku u zgjodh në krye të bashkisë së Vorës në zgjedhjet e 30 Qershorit 2019, por u denoncua nga PD se kishte fshehur dënimin në Greqi. Fillimisht kjo u mohua prej tij, por më pas u vërtetua nga Prokokuroria e Tiranës.
Kajmaku u arrestua pas disa muajsh arrati. Ndërsa Gjykata e Apelit vendosi më vonë për të masën “detyrim paraqitje”, me arsyetimin se nuk mund të qëndronte në burg për shkak të gjendjes shëndetësore.
Duket se ish-kryebashkiaku i ka kaluar të gjitha peripecitë e shëndetit dhe është rikthyer në gjirin e ngrohtë të rilindjes.
