Nga Kukësi, ish-deputeti Ervin Salianji deklaroi se PD po shkon drejt një humnere dhe në këtë situatë nuk fiton dot zgjedhjet.
Ai tha se edhe brenda PD e mendojnë se me Berishën nuk mund të vihet në pushtet.
“PD po shkon drejt një humnere që nëse nuk veprojmë, do ta tregojnë zgjedhjet e ardhshme. Pas kuintave edhe ata të PD brenda, thonë se me Sali Berishën nuk vijmë dot në pushtet. E thonë dhe ata që janë drejtues. Por nuk kanë minimumin e përgjegjësisë, se kjo gjë duhet thënë që mos të turpërohet më Berisha por dhe demokratë.
U dha se do të bashkojnë partinë, u tha se do të hiqen non-grata, por zvarritje dhe gënjeshtra. U tha se do të ndihmoheshin çiftet e reja, por asgjë s’u bë. Programi i prezantuar ishte steril, i plakur dhe pa vizion.”, tha ai.
Ai shtoi se detyra e demokratëve është rrëzimi i Edi Ramës.
Ne e dimë të nderuar miq dhe nuk e ndryshojmë dot kundërshtarin politik, kundërshtari i PD-së dhe i Shqipërisë është Edi Rama dhe duhet ta mundim, nuk duhet të themi gjithmonë që Edi Rama na rrahu, duhet të stërvitemi dhe ta rrahim dhe ta mundim Edi Ramën. Jam krenar që në çdo sallë mbështetem nga njerëz si ju. Më të vërtetët e demokratëve janë në këtë sallë sepse e njohin shqetësimin dhe instinktin e demokratëve për të fituar, disa thonë ku i keni figurat, figurat janë këta që i votojnë demokratët.
Arsyeja kryesore është humbja e PD në zgjedhje, arsyeja tjetër mos përfaqësimi i drejtë i demokratëve. Ata që janë drejtues dhe fare lidershipi i PD flasim nëpër tavolina siç flasim në këtë publik, në këmbim kemi marrë mashtrime, rrugëtime dhe shpifje. Kam bërë gjënë e duhur që po ndahemi nga një politikë 36-vjeçare e baltës, e përbuzjes, e shpifjes, e kundërshtarit politik brenda partisë.
Edhe unë pavarësisht se kam fituar në zonat që më janë ngarkuar, kam një barrë përgjegjësie që duhet të kisha folur më parë. Tani PD nuk po ndalet, por po shkon drejt një gremine që në zgjedhjet e ardhshme.
Thonë që Sali Berisha nuk vjen dot në pushtet, por kanë as minimumin e përgjegjësisë. Sali Berisha 82-vjeç, konsumim politik, non grata, nuk mund ta çojë PD drejt fitores, prandaj ne kërkojmë garë, rregulla dhe zgjidhje.
