Dy të rinj shqiptarë janë arrestuar nga policia franceze pasi nën kofanon e makinës iu janë gjetur 100 mijë euro të siguruara nga trafiku i drogës.
Dy trafikantët, 20 dhe 30 vjeç, të dyshuar si kapo të rrjetit të drogës në Alta Savoia, mbaheshin prej kohësh nën mbikëqyrje nga policia e Annecy.
Ata udhëtonin shpesh drejt Francës si dhe blinin makina luksoze për të pastruar paratë e shumta që fitonin nga droga.
Autoritetet thonë se ata kanë blerë të paktën 30 makina në 18 muajt e fundit.
Gjatë kontrollit të banesave, policia gjeti një sasi droge gati për t’u hedhur në treg me vlerë thuajse gjysmë milion euro.
Dy trafikantët kishin në shtëpi një kile e gjysmë heroinë shumë të pastër dhe 160 gramë nga e njëjta lëndë gati për përdorim; një kile e 600 gramë kokainë, një kile e 100 gramë produkte përzierjeje dhe 60 mijë euro.
