Gjatë vizitës në Shqipëri, Senatori amerikan McCain ka zhvilluar një takim me presidenten e Këshillit Kombëtar të Rezistencës së Iranit, Maryam Rajavi.
Para takimit, Senatori McCain ka vizituar një nga qendrat ku janë strehuar muxhahedinët. Ai ka përgëzuar transferimin e tyre të suksesshëm nga Iraku dhe vlerësoi këmbënguljen dhe sakrificat e anëtarëve të rezistencës.
“Nuk ka dyshim se shumë njerëz në këtë sallë kanë pësuar humbje të mëdha në njerëz për shkak të tiranisë iraniane. Por ju sërish jeni ngritur, keni luftuar dhe keni sakrifikuar për lirinë, për të ardhmen tuaj,”- tha Senatori McCain.
Senatori iu është drejtuar muxhahedinëve me nota mirënjohjeje se si ata janë kthyer tashmë në një shembull për botën.
Gjithashtu McCain ka falenderuar qeverinë shqiptare për pranimin e muxhahedinëve, ndërsa ka vlerësuar udhëheqjen e zonjës Rajavi, duke theksuar se një ditë Irani do të jetë i lire dhe të gjithë së bashku do të mblidhen në Sheshin e Lirisë në Teheran.
