Mbyti 63-vjeçaren dhe e hodhi në kanal, Gjykata jep masën për Fetah Marrën

Gjykata e Beratit ka lënë në burg 58-vjeçarin, Fetah Marra, autori i vrasjes makabre të 64-vjeçares Fatime Suli, ndodhur dy netë në parë në Kuçovë. Autori mbyti dhe më pas tentoi të fshihte trupin e komshijes së tij, pas një sherri për motive të dobëta.
Mësohet se, i arrestuari ka pranuar krimin teksa fliste për një borxh të vogël që i kishte viktima duke shprehur pendesë për atë që kishte kryer. Sa i përket aludimeve për një përdhunim, pasi viktima u gjet e zhveshur nga beli e poshtë, Marra ka pretenduar se rrobat i kanë rënë duke e tërhequr zvarrë.
Sipas Marrës, ai nuk ka tentuar përdhunimin e Sulit, ndërkohë që i mbetet ekspertizës mjekoligjore që të zbulojë nëse ka pasur apo jo abuzim me të ndjerën.