Gentjan Muça dërgohet në tribunë për 12 muaj nga Komisioni i Disiplinës, për krahasimin që i bëri Partizanit tonë me atë të Sërbisë
Lojtari i K.F. Tirana, Gentian Muça, për nxitje publikisht të urrejtjes, bazuar ne Nenin 52/1, të KDS pezullohet për 12 muaj nga aktiviteti. Ky është vendimi për kapitenin e Tiranës, ndërkohë që në harkun e një jave, Komisioni i Disiplinës ka marrë dy masa të rënda për klubin bardheblu. E para ishte absurde, pasi i ka dënuar tifozët për tetë ndeshje të mos jenë prezentë në stadium, për incidente ku u identifikuan shkaktarë zyrtarë të klubit dhe jo njerëzit e shkallëve, një dënim që tashmë është apeluar nga klubi. Ndërsa kapiteni Muça është dënuar, pasi në përfundim të ndeshjes ndaj Partizanit është shprehur nga qendra e zërit të “Selman Stërmasit”: “Mbyteni Beogradin”, duke e krahasuar Partizanit tonë me atë të Serbisë, si dhe “Mbytini Komunistët”, që në këtë rast askush nuk e kuptoi dot paralelizmin. Tashmë duhet të presim nëse klubi i Tiranës do të bëj një tjetër apelim, por tashmë, duke përfshirë edhe kapitenin, ka të dënuar pothuajse të gjithë drejtuasit e lartë të klubit.
