Për tre ditë shkollat në vendin tonë do të jenë të mbyllura si pasojë e motit të acartë. Reagime të shumta ka pasur në lidhje me këtë çështje, ndërsa ditën e sotme ka reaguar vetë ministrja e Arsimi, Evis Kushi. Ajo ka thënë ditën e sotme se, shkollat janë mbyllur për shkak të ngrirjes së depozitave. Ndërkohë në një përgjigje për mediat Kushi u shpreh sot se në sistemin e arsimit po shihet si problem edhe infektimit i mësuesve dhe i nxënësve. Sipas Kushti janë të infektuar rreth 1100 mësues si dhe 1600 nxënës.
“Shkollat i mbyllem se ngrinë depozitat dhe ishte problem rruga e fëmijëve për në shkollë. Janë pak shkolla që nuk ka ngrohje, disa me dru, disa me kaldaja, kemi një bashkëpunim më Bashkitë. Nuk ka lidhje ky vendim, vetëm me sistemin e ngrohje, por edhe rreziku që mund të ketë nga shtëpia në shkollë. Në këtë vendim e kemi marrë javën e kaluar kur parashikimet thonin që temperaturat shkonin deri -17 gradë, është një vendim që mund të rishikohet, nëse do përmirësohet situata. Nuk ka lidhje me situatën e COVID, edhe pse jemi duke e monitoruar në të gjithë shkollat e vendit, edhe pse ka një rritje, 1100 mësues me COVID dhe 1600 nxënëses”, tha Kushi.
Paraditen e sotme aktivist dhe prindër kanë dalë në një protestë kundër vendimit për mbylljen e shkollave, ata thanë se është e turpshme që në shkollat tona mungon sistemi i ngrohjes dhe lënë nxënësit pa mësim.
