Bllokimi i ish-sheshit “Shqiponja”, për shkak të punimeve për Unazën e Madhe, ka sjellë trafik të rënduar të mjeteve në akset dytësore të kryeqytetit.
Një video të publikuar nga vetë qytetarët në rrjetet sociale shihet trafiku i rënduar, ku mjetet për më shumë se 1 orë janë bllokuar në radhë tek rruga “Petrit Radovicka”, pranë zonës së njohur si “Treshi”.
Qytetari pohon se për 1 orë ka arritur të ecë vetëm 500 metra, ndërsa ende do i duhet të presë në radhë për të arritur në destinacion.
“Këtu jemi tek rruga “Petrit Radovicka”. Kemi ecur vetëm 500 metra për 1 orë. Akoma nuk kemi arritur tek Shkolla “Skënder Luarasi”, na duhen dhe nja 500 metra të tjera. Ky është një trafik i tmerrshëm, ta shohin të gjithë se çfarë vuajmë çdo ditë. Për çdo ditë e njëjta gjë!”, shprehet qytetari.
