Ka nisur mbledhja e komisionit hetimor për çështjen CEZ, ku është thirrur për të dëshmuar edhe Shkëlzen Berisha, djali i ish-kryeministrit Sali Berisha.
Berisha është paraqitur në komision por ka refuzuar të bëjë betimin pasi sipas tij kryetari i komisionit, Taulant Balla është dënuar nga gjykata për shpifje në dëm të tij.
Mbledhja që zgjati vetëm pak minuta u ndërpre dhe Balla deklaroi se zoti. Berisha do të thirret prapë nga Komisioni për të dëshmuar.
Dëshmia e Shkëlzen Berishës vjen me kërkesë të komisionit hetimor parlamentar. Komisioni i ka dërguar zyrtarisht një kërkesë, për t’u paraqitur sot për të dëshmuar në lidhje me rolin e tij, nëse ka, në historinë e privatizimit të OSSH dhe favorizimit të CEZ.
