“Mbledhja e Kryesisë, 4 orë gjyq për mua dhe 15 minuta për Ramën”, Salianji vijon turin me strukturat e PD në Elbasan –

Ervin Salianji vijon turin e takimeve. Ai u ndal këtë pasdite me strukturat dhe mbështetësit e PD në Elbasan.

Anëtari i Kryesisë së PD, Ervin Salianji është pritur me entuziazëm nga mbështetësit dhe strukturat e degës së PD. Salianji nisi fjalimin e tij duke deklaruar se me këtë lëvizje ai synon që ta bëjë Partinë Demokratike fituese.

“Shumë pyesin se çfarë duam ne me këtë lëvizje? Ne duam që PD të jetë fituese”, u shpreh Salianji. Ai kritikoi kryeministrin Edi Rama dhe qeverinë që drejton duke deklaruar se çdo ditë zbulohet nga një aferë.

“Sot Edi Rama duhet të kishte dhënë dorëheqje”, tha Salianji.

Ai ftoi qytetarët dhe mbështetësit e PD që t’i bashkohen protestës së 22 dhjetorit.

“Në 22 dhjetor e gjithë energjia e kësaj salle dhe sallave në të gjithë Shqipërinë duhet të përplaset në muret e Kryeministrisë”, deklaroi ai.

Anëtari i Kryesisë, Ervin Salianji, u shpreh se mbledhja e Kryesisë të shtunën u kthye në seancë gjyqi për të që zgjati 4 orë, në vend që të diskutohej aksioni politik për rrëzimin e qeverisë.

Sipas tij, debati duhet të fokusohej tek mobilizimi i demokratëve.

“Edi Rama nuk mundet as me armiq imagjinarë, as me përbetime të përsëritura prej vitesh nga disa që në politikë mund të njihen dhe si idiotë të dobishëm që nuk i lidh asgjë me njerëzit dhe që humbjet i kanë të vetmet bilanc në karrierën politike”, tha Salianji.

Ervin Salianji: Mbledhja e fundit e kryesisë, ishte 4 orë gjyq për mua dhe për ju dhe 30 minuta për Edi Ramën. Duhet ta themi qartë në cdo diskutim të brendshëm të PD se nuk është rruga e duhur që ka zgjedhur në momente të rëndësishme të saj.

Dhe po e them dhe sot, Edi Rama nuk mundet as me armiq imagjinarë, as me përbetime të përsëritura prej vitesh nga disa që në politikë mund të njihen dhe si idiotë të dobishëm që nuk i lidh asgjë me njerëzit dhe që humbjet i kanë të vetmet bilanc në karrierën politike,

Riorganizimi i PD në të njëjtën kohë me protestën është po aq i rëndësishëm sa protesta për PD, për të pasur masivitetin që e kërkon cdo demokrat. Nuk ekziston asnjë rrugë tjetëe vec respektimit të demokratëve.

gijotina.com/