Deputeti i PD, Ervin Salianji ka folur për mediat para mbledhjes së grupit parlamentar të deputetëve të partisë Demokratike. Ai shprehet se fokusi duhet të ishte tek reformat, duke e konsideruar të pafalshme neglizhencën.
“Tani më dhe vazhdon prej muajsh, fokusi duhet vendosur ën të dyja reformat, atë territoriale dhe zgjedhore. Kanë mbetur pezull për shkak të mungesës së emrave nga ana e Opozitës dhe kjo është diçka e pafalshme. Të dyja palët duhet të ulen dhe t’i japin fund krizës, nuk duhet ta shpërndajmë fokusin në lidhje me atë që është vërtet lufta jonë, ajo me Edi Ramën”, shprehet Salianji.
Në deklaratën e tij, Salianji ka kritikuar deputetin Enkelejd Alibeaj duke e akuzuar këtë të fundit se ulej me kryeministrin Rama për emrin e presidentit, ndërsa nuk ulej me kryesinë e partisë apo me grupimin tjetër, për të zgjidhur krizën e brendshme që e ka zanafillën muaj më parë.
