Ditën e sotme Bashkimi Europian do të mbajë Konferencën e Donatorëve për Shqipërinë, për të dhuruar fonde për fazën e rindërtimit në Shqipëri pas dëmeve të tërmetit.
Kryeministri Edi Rama u shpreh dje optimist për faktin se në këtë konferencë do të mblidhet një shumë e përafërt me dëmet e shkaktuar nga tërmeti.
Kujtojmë se 3 ditë më parë, ministri i Jashtëm Stef Blok konfirmoi se Holanda do të dhurojë 3 milionë euro për rindërtimin. Po ashtu, gjatë konferencës për Ballkanin Perëndimor në Mynih, kryeministri Edi Rama u takua me homologët e tij të Kanadasë dhe Kuvajtit si dhe ministrin e Jashtëm të Arabisë Saudite, ku ata shprehën se do t’i bashkoheshin konferencës së donatorëve për rindërtimin.
