Një grup qytetarësh protestuan mesditën e sotme në Krujë përpara bashkisë së qytetit për shkak të problemit me ujin e pijshëm që solli helmimin e më shumë se 600 prej tyre.
Deri tani dyshimet ishin se helmimi erdhi si pasojë e përzierjes së ujërave të zeza me ujërat e bardha, por banorët japin një tjetër pistë. Sipas tyre shkak kanë qenë tubat e impiantit të ri, që “nuk janë blerë të reja, por janë marrë nga uzina e naftës në Ballsh ose miniera në Bulqizë”.
“Nga erdhi helmimi, ato tuba a janë marrë në Ballash, apo nuk dihet, ato janë tuba nafte. Shteti të marrë masa të verifikohet. Janë tuba nafte, i kanë marrë lirë për të marrë lekët për vete. Tubat e impiantit të ujësjellësit janë nafte.
Erdhi uji ngjyrë kafe. Prandaj e bllokuan impiantin e ri, tani e lidhën me tubën e vjetër. Tubat e kanë qenë të vjetra apo përdorura nuk e di” u shpreh një banor. “I kanë marrë te miniera në Bulqizë dhe në Ballsh” tha një tjetër.
