Numri i të prekurve nga koronavirusi, në mbarë botën ka tejkaluar shifrën e 40 milionëve. Sipas “Worldometer”, e cila përpilon të dhënat në lidhje me pandeminë, deri më tani në mbarë botën janë regjistruar gjithsej 40,348,237 raste me COVID-19.
Ndërkohë, numri i përgjithshëm i viktimave është mbi 1.1 milion, ndërsa i të shëruave mbi 27.5 milionë. Ekspertët, megjithatë, besojnë se numri i vërtetë i rasteve dhe viktimave ka të ngjarë të jetë shumë më i lartë, duke marrë parasysh mungesën e testimeve.
Koronavirusi është shfaqur për herë të parë në qytetin Wuhan të Kinës, në fund të vitit të kaluar duke u përhapur me shpejtësi në gati 200 vende të botës.
Shtetet e Bashkuara janë vendi më i prekur në botë, me mbi 8.1 milionë raste dhe mbi 219,000 viktima.
Në Europë, Spanja është vendi më i prekur me 936,000 viktima, ndërsa Mbretëria e Bashkuar ka raportuar mbi 43,000 viktima.
Sipas Qendrës Europiane për Parandalimin dhe Kontrollin e Sëmundjeve, Republika Çeke ka aktualisht shkallën më të rëndë të infektimit në Europë, me mbi 660 të infektuar në 100,000 banorë, gjatë 14 ditëve të fundit.
