Futbollisti francez, Kylian Mbappe ka reaguar pas vdekjes së legjendës braziliane të futbollit, Pele.
Përmes një postimi në rrjetet sociale, teksa ka publikuar një foto me Pele, Mbappe u shpreh se mbreti i futbollit u largua nga jeta, por se trashëgimia e tij nuk do të harrohet kurrë.
“Mbreti i futbollit është larguar nga ne, por trashëgimia e tij nuk do të harrohet kurrë”, shkruan Mbappe në Instagram.
Legjenda e futbollit Brazilian Pele është ndarë nga jeta në moshën 82-vjeçare teksa ishte shtruar në spital ku po merrte mjekim. Ish-futbollisti prej disa vitesh vuante nga tumori në zorrë si dhe ishte nënshtruar ndërhyrjes kirugjikale. Gjatë ditëve të fundit ka qenë vajza e tij ajo e cila ka komunikuar me sportdashësit për gjendjen e babait, ku u konfirmua gjendja kritike.
Pele ka zhvilluar një karrierë mbresëlënëse në futboll, ku madje cilësuar dhe si numri 1 në histori. Me kombëtaren e brazilit fitoi 3 herë kupën e botës, duke u kthyer në një lider të vërtetë.
Për 18 vite ishte pjesë e skuadrës së Santos në kampionatin vendës, ku shënoi 618 gola, më pas duke u zhvendosur drejt New York Cosmos. Me Seleçao regjistron 92 ndeshje ku në total ka shënuar 77 gola. Sulmuesi Pele do të mbahet mend gjatë për gjithçka i dha futbollit botëror.
