Sot do të mbahet mbledhja e përbashkët e Kuvendit të Shqipërisë dhe atij të Kosovës. Takimi vjen në kuadër të 110-vjetorit të Pavarësisë së Shqipërisë. Seanca plenare në Kuvend do të nisë në orën 10:00. Kryetarja e Kuvendit, Lindita Nikolla do të hapë punimet e kësaj mbledhjeje për të vijuar me kryetarin e Kuvendit të Kosovës, Glauk Konjufca.
Sipas axhendës së publikuar, mbledhja do të vijojë me fjalimet e kryeministrit Edi Rama dhe kryeministrit Albin Kurtit.
Gjithashtu, një një fjalim përshëndetës do të mbajnë edhe kryetarët e grupeve parlamentare të Kuvendit të Shqipërisë dhe Kuvendit të Kosovës.
