“Është kusht i opozitës për të vijuar normalisht jetën parlamentare si dhe për tu afruar në konsensusin për refomën në drejtësi”
Mazhoranca po shkon drejt vendimit për të çuar në Gjykatën Kushtetuese mandatet e dy deputetëve të saj, Valentina Leskaj e Rakip Suli. Konferenca e kryetarëve ka kërkuar nga opozita të përsërisë kërkesën e saj për të çuar në kushtetuese mandatet e dy deputetëve. Kjo procedurë është e nevojshme për të legjitimuar procesin.
Ndërkohë, dy deputetët, Rakip Suli e Valentina Leskaj kërkuan nga partia e tyre të votojë për ti çuar mandatet në kushtetuese. Dërgimi në kushtetuese e dy mandateve të deputetëve është një ndër kushtet e opozitës për tu afruar në konsensusin për reformën në drejtësi.
