Ditët që u bënë pushim për shkak të pezullimit të shkollës në 3 qarqet kryesore të vendit pas tërmetit shkatërrimtar të 26 nëntorit do të zëvendësohen të shtunat nga 25 janari e deri me 28 mars në qarqet e prekura më tepër.
Në shkollat e Lezhës, Mirditës, Kamzës, Rrogozhinës dhe Kavajës zëvendësimi i orëve do të nisë të shtunën e datës 25 janar dhe do të zgjasë çdo të shtunë deri më 16 mars 2020.
Ndërkohë në shkollat e Tiranës, Durrësit, Vorës, Kurbinit, Shijakut dhe Krujës zëvendësimi do të zgjasë deri më 28 mars 2020 për shkak të pezullimit më të gjatë të procesit mësimor.
Shkollat në disa qytete të Shqipërisë pezulluan procesin mësimor për më shumë se 2 javë pas tërmetit të shkallës 6.4 rihter i cili shkaktoi 51 viktima në vend, shkatërroi përpos qindra banesave, edhe shumë shkolla në vend.
Kjo masë e Ministrisë së Arsimit erdhi pas frikës për lëkundje të reja dhe dëmtime të mëtejshme të objekteve si dhe sigurisë së nxënësve në institucionet arsimore.
