Akuzohen për shpërdorim detyre, mashtrim, dhe falsifikim dokumentash
Prokuroria e Tiranës ka kërkuar 21 vite burg në total për 7 personat të përfshirë në skemën mashtruesë të ilaçeve të njohur ndryshe si “Farmacia 1”. Sipas hetimeve të prokurorisë 7 personat e akuzuar janë kryesisht zyrtarë dhe farmacistë dhe akuzohen se janë përfshirë në një skemë mashtruese në lidhje me rimbursimin e medikamenteve çka i ka kushtuar shtetit një dëm prej 56 milion lekë të reja.
Më heret gjykata e Tiranës kishte dhënë masën e sigurisë për disa prej tyre, ndërsa pronari i katër farmacive të cilat janë përfshirë në këtë skemë Hysni Roci që në seancën për dhënjen e masës pranoi se ishte përfshirë në këtë skemë. Më 22 maj 2015, Prokuroria e Tiranës ka regjistruar procedimin penal që bën fjalë për veprat penale të “Mashtrimit në subvencione”, “Falsifikimit të dokumenteve shëndetësore”, “Pastrimit të produkteve të veprës penale” e “Shpërdorimit të detyrës”.
