Të gjitha objektet e kultit, të besimit katolik, janë monitoruar nga forca të shumta policie, por edhe të RENEA-s, me qëllim parandalimin e ndonjë sulmi ekstremist me rastin e festës së Pashkëve. Ndërkohë, besimtarët e kanë konsideruar të drejtë impenjimin e policisë, por thonë se harmonia fetare që karakterizon vendin tonë, nuk lë vend për realizimin e sulmeve të tilla.
Zbatimin e planit të masave të Policisë së Shtetit e monitoroi nga afër edhe Ministri i Brendshëm, Fatmir Xhafaj. Paraditen e së shtunës, Xhafaj ishte në ambientet e Kishës katolike, ku takoi edhe efektivët të cilët ishin vendosur aty për të monitoruar situatën. Ambientet e kishave janë vëzhguar nga dhjetra efektivë të policisë, por edhe forcave RENEA, por nuk është shënuar ndonjë incident.
