Vladimir Beqiraj, 51-vjeçari shqiptar i cili masakroi me thikën e kuzhinës bashkëshorten e tij 41-vjeçare mbrëmjen e së dielës, 30 korrik, është paraqitur sot para Prokurorisë në Zakinthos.
Xhelozia e sëmurë duket se ka qenë arsyeja e vrasjes tragjike të shqiptares në Greqi. Gruaja fatkeqe ndërroi jetë në spitalin e Zakinthos, si pasojë e plagëve të marra nga thika në fyt dhe në gjoks.
51-vjeçari dyshohet se ka abuzuar sistematikisht me viktimën, për pasojë, 41-vjeçarja e ka denoncuar në polici për rrahje.
Megjithatë, gruaja fatkeqe ishte e bindur se burri i saj kishte kapërcyer xhelozinë patologjike që kishte për të dhe kështu 41-vjeçarja e pranoi në shtëpi.
Gjatë një debati që çifti ka pasur, 51-vjeçari ka humbur kontrollin, ka rrahur rëndë 41-vjeçaren dhe ajo e ka denoncuar sërish.
Pak orë më vonë ajo u gjet e pajetë nga thika që mbante 51-vjeçari, me të cilën ai arriti ta godiste dy herë në qafë dhe në gjoks.
