Detaje nga masakra me dy të vrarë në Itali. Tefta Malaj 39-vjeçarja e cila u sulmua nga bashkëshorti i saj në Torremaggiore, në zonën e Foggia dhe humbi vajzën e saj 16-vjeçare e cila u përpoq ta mbronte dhe vdiq para syve të saj për shkak të plagëve të marra, nuk është e vetmja që ka pësuar këtë fat.
Mediat italiane raportojnë se, më 11 maj 2021 edhe 19-vjeçari Mirko Farci humbi jetën duke mbrojtur nënën e tij nga agresioni i ish-partneres së tij, Masih Shaid në Tortolì të Sardenjës.
Nëna e tij, Paola Piras, 52 vjeçe e goditur 18 herë me thikë dhunshëm nga burri me të cilin kishte vendosur të shkëputej, shpëtoi për ‘një fije’. Pas 40 ditësh në koma, gjëja e parë që pyeti për Mirkon.
Duke kujtuar momentet e errëta të kësaj ngjarjeje të ndodhur në jetën e saj Paola ka vendosur të solidarizohet me masakrën e familjes shqiptare në Itali përmes një letre drejtuar Teftës.
“E dashur Tefta, nuk të njoh, por disi fati, fati i keq, na bën dy njerëz të afërt. Jam i vetëdijshëm që të gjithë e kalojnë dhimbjen në mënyrën e vet , por duhet të më besoni kur ju them se mendoj se e di se çfarë ndjeni. E di sepse kam kaluar në të njëjtën errësirë si ju.
Më 11 maj, dy vjet më parë, djali im Mirko u përpoq të më mbronte nga njeriu i dhunshëm që e kisha dashur me trishtim dhe të cilin më pas e kisha lënë dhe e denoncova, kur historia jonë ishte bërë burg për mua. Atë 11 maj ai u shfaq në agim i armatosur me hakmarrjen e tij.
Dhe filloi të më godiste me thikë: një, dy, tre, 18 herë”. Rrallëherë dikush ndërhyn siç duhet në rastet më të egra të lajmeve të krimit – siç është ai i vajzës gjashtëmbëdhjetë vjeçare të vrarë nga babai i saj sepse ajo mbrojti nënën e saj”, letra e Paolës e raportuar nga Corriere della Sera është një prej tyre.
Si ndodhi masakra?
45-vjeçari me profesion bukëpjekës dyshonte se bashkëshortja e tradhtonte me një italian të identifikuar si Massimo De Santis, 51 vjeç.
Për këtë arsye, dyshja ishin konfliktuar shumë herë, por sherri kulmoi një natë më parë kur shqiptari i zuri pritë në shkallë italianit.
Ai e qëlloi 51-vjeçarin me një thikë kuzhine dhe e la të mbuluar në gjak në shkallë ku dhe ndërroi jetë. Më pas, me të njëjtën thikë të lyer me gjak, u fut në banesë ku u konfliktua me të shoqen.
Dyshja nisën të konfliktoheshin fizikisht. Ai qëlloi gruan me thikë e më pas nisi të qëllonte të bijën, vetëm 16 vjeçe, për të cilën gjithashtu thotë se është ngacmuar nga italiani.
Adoleshentja ndërroi jetë në vend, ndërsa gruaja ndodhet në spital, jashtë rrezikut për jetën. I vetmi që shpëtoi ishte djali 5-vjeçar.
Taulant Malaj i filmoi të tre dhe videon me trupat e tyre të mbuluar në gjak ua dërgoi të afërmve. Në sfond dëgjohet të shante të shoqen dhe të thoshte se do të vijonte t’i masakronte me thikë, pasi policia nuk kishte mbërritur ende në vendngjarje.
