Një ditë pas masakrës në Klos me tre të vrarë dhe dy të plagosur, janë liruar nga burgu vëllezërit e Fiqiri Mjeshtrit, autor i dyshuar për vrasjen e babë e bir Liri dhe Kenado Shira, si dhe plagosjen e dy të tjerëve, ndërkohë që pas ngjarjes ai vrau veten.
Besnik dhe Fatmir Mjeshtri mësohet të jenë lënë të lirë ditën e sotme, pasi dje u arrestuan nga policia si të dyshuar për ngjarjen e rëndë që trondit jo vetëm Klosin, po të gjithë vendin.
Sipas deklaratave të deritanishme, mësohet se ngjarja ndodhi më motive të dobëta, pasi vajza e Fiqiri Mjeshtrit ka deklaruar në polici se shantazhohej në Instagram nga dy kushërinjtë Renato Hasula dhe Kenado Shira, djem tezesh dhe se për këtë shkak kishte ditë që nuk shkonte në shkollë pasi ndihej e frikësuar. Kjo gjendje e së bijës është vënë re nga autori, Fiqiri Mjeshtri, i cili e ka pyetur dhe ajo i ka treguar arsyen.
Pas kësaj, 39-vjeçari bashkë me dy vëllezërit e tij, ka kërkuar që të sqarohet me dy të miturit të cilët morën edhe prindërit e tyre me vete në lokal, Eglantin Hasulën dhe Ilir Shirën. Po ashtu mësohet se në dijeni të konfliktit kanë qenë dhe mësues të gjimnazit në Klos.
Pasi kanë mbaruar shkollën dy kushërinjtë janë pritur nga autori dhe së bashku me prindërit kanë shkuar në lokal që të sqaroheshin, por duket se situata ka agravuar dhe më pas Mjeshtri qëlloi me armë zjarri në drejtim të tyre, duke vrarë babë e bir, Ilir dhe Kenad Shirën dhe plagosi Eglantin dhe Renato Hasulën.
