Masakra e “Çoles”, Gjykata e Lartë jep vendimin përfundimtar për autorët

Gjykata e Lartë ka lënë në fuqi vendimin e Apelit të Vlorës për Aleksandër Llanajn, Ani Begajn dhe Bertil Aliajn, të tre të dënuar për ngjarjen e cila ka marrë edhe emrin “Masakra e Çoles”. Për Llanajn ka mbetur në fuqi dënimi me burgim të përjetshëm, ndërsa për dy të tjerët me nga 35 vite burg.

Vendimi është marrë këtë të premte nga tre anëtarët e gjykatës së Lartë, Ilir Panda, Albana Boksi dhe Medi Bici. Dosja e ngjarjes së ndodhur në vitin 2015 ku mbetën të vrarë tre persona u kthye për rigjykim në gjykatën e lartë nga gjykata kushtetuese në vitin 2017, me pretendimin se gjatë procesit gjyqësore janë gjetur shkelje.

Si ndodhi ngjarja e rëndë?

Ngjarja më e rëndë ku janë të skeduar Llanajt është masakra e prillit 2015 në Vlorë, ku në ambientet e një lokali u qëlluan për vdekje me armë zjarri kallashnikov tre persona. Një nga autorët e identifikuar të masakrës ishte pikërisht Aleksandër Llanaj i cili në këtë ngjarje mbeti i plagosur. Llanaj u dënua me 35 vite burg për krimin e kryer në bashkëpunim me disa shtetas të tjerë.

Nicki Minaj humb 10 milionë ndjekës –

Dy zakone në rrjetet sociale që po na shkatërrojnë ngadalë jetën –

Zbulohet kush është “Labi” që Ergys Agasi dhe Alqi Bllako donin ta emëronin administrator të koncesionit! Plani për ‘goditjen’ e ish-ministrit të PS

Dimensionet shqetësuese të pastrimit të parave tek pasuritë e paluajtshme në Shqipëri –

Viktimë e masakrës së “Coles” në 2015 mbetën Akil Hasanaj, Ardi Velaj dhe Albi Limaj. Ky i fundit ishte bashkëpunëtor i Llanajt në atentatin ndaj Hasanajt dhe Velajt brenda në ambientet e bar-kafesë.

Ndërsa në 2011-ën është regjistruar një tjetër ngjarje e cila ka lidhje me Llanajt. Baftjar Llanaj, babai i Ferdinandit dhe Aleksandrit mbetet viktimë e një atentati teksa udhëtonte me një automjet tip “Mercedes Benz”.

Etiketa: “Masakra e Çoles”