Dy persona u vranë ndërsa katër të tjerë u plagosen në fshatin Dajç të Shkodrës. Ngjarja ka ndodhur në një lokal, te kryqëzimi i Dajçit ku po luhej një lojë pokeri me letra.
Një 33 vjeçar i cili njihet si një person problematik si edhe përdorues i lëndëve narkotike, në grindje e sipër ka hapur zjarr mbi të gjithë lojtarët e tjerë të pokerit, shokë me njeri-tjetrin. Policia është vënë në ndjekje të autorit të ngjarjes.
Viktimat janë shtetasi Arjet Saiti, 42 vjeç dhe Gacalin Kopshti, 30 vjeç, ndërsa të plagosur kanë mbetur shtetasit Aleks Prendi, 42 vjeç, Ndok Marku, 35 vjeç, Vinçens Kopshti, 22 vjeç dhe Kitas Molla 26 vjeç.
