Keqtrajtimi dhe vrasja e kafshëve vijon të jetë një ndër problematikat që haset më shpesh në vendin tonë. Një masakër po ndodh aktualisht në qytetin e Korçës, ku qentë e rrugës po helmohen masivisht.
Dyshohet se helmimet janë bërë në mënyrë të qëllimshme, ndërsa kjo nuk është hera e parë që ndodh një fenomen i tillë. Të shumta kanë qenë reagimet e qytetarëve korçarë në rrjetet sociale të cilët kërkojnë nga institucionet që të parandalohet ky fenomen, pasi po rrezikohen edhe kafshët shtëpiake.
Masakra të ngjashme kanë ndodhur në shumë qytete të vendit, përfshirë edhe Tiranën ku institucionet përgjegjëse gjejnë si zgjidhje më të lehtë vrasje e kafshëve dhe jo implementimin e politikeve të duhura sociale.
