Mali I zi ka detyruar të marrë një masë ekstreme për të gjithë emigrantët e paligjshëm që përdorin këte territor për të kaluar në vëndet e Bashkimit Europian, duke vendosur përgjate kufirit ushtrinë e tij.
Kjo masë ka ardhur si pasojë e dyfishimit të numrit të emigrantëve, që vijnë nga vëndet e Lindjes dhe përdorin kufijtë malazezë për të hyrë në vendet e BE-së.
Rreth 8,000 emigrantë nga Lindja e Mesme dhe Afrika e Veriut kanë kaluar tranzit Malin e Zi në vitin 2019 – gati dyfish më shumë se vitin paraprak, ka njoftuar më herët Organizata Ndërkombëtare për Migrimin.
“Ushtria do të angazhohet në mbrojtjen e kufijve të shtetit dhe do t’i ndihmojë agjencitë e sundimit të ligjit”, tha të premten Këshilli për Mbrojtje dhe Siguri i Malit të Zi.
Që nga fillimi i 2019-tës, mësohet se policia ka arrestuar 51 persona të dyshuar si trafikantë të emigrantëve të cilët mendohet se marrin shuma të konsiderueshme parash për t’i çuar emigrantët në vendete BE.
