BBC shkruan sot se bota po përballet me një ‘marshim të pamëshirshëm dhe vdekjeprures’ të diabetit, që tashmë prek 1 në 11 persona. Referimi i shifrave behet në nje raport të Organizatës Botërore të Shëndetësisë.
OBSH paralajmëron se numri i rasteve është katërfishuar nga 108 milionë në vitin 1980 në 422 milionë në vitin 2014.
Niveli i lartë i sheqerit në gjak është një nga vrasësit më të mëdhenj në botë- i lidhur me 3.7 milionë vdekje çdo vit në botë.
Zyrtarët thonë se numrat do vijnë duke u shtuar nëse nuk merren masa drastike.
Raporti përfshin diabetin tip 1 dhe 2, por kryesisht rritje ka njohur tipi 2- që lidhet kryesisht me stilin e varfër të jetesës. Mbipesha është një tjetër shkak. Njerëzit në botë po e rrisin ndjeshëm belin e tyre dhe tashmë një në tre njerëz është mbipeshë.
