“Marrja e madateve nga partitë e vogla është një mision i pamundur pas kësaj marrëvjeshjeje.”-kështu është shprehur kreu i PAA-së Agron Duka pas marrëveshjes Rama-Basha për zgjedhjet e qershorit.
Në një intervistë për “Panorama”, Duka theksoi se edhe pse pakti nuk është i njëjtë me atë që ishte parashikuar në paketën McAllister, sërish ai i shërben stabilitetit të vendit.
Ndërsa duke folur në emsionin “Kjo Javë” të gazetares Nisida Tufa në “News 24”, Duka nuk i kurseu rezervat për penalizimin e partive të vogla. Sa takon marrëdhënies me kreun e opozitës Duka tregon se ai është nga ata liderë që i pranon vërejtjet.
“Po të kisha qenë unë në vend të tij se kisha bërë kurrë. Duke pasur aleatë që të qëndrojnë besnikë nuk më duken normale që të merren këto. Vetëm këtu s’më kishte shkuar mendja që do ishim të penalizuar.
Ndjehem lirshëm në diskutim me të, është tip që pranon sugjerime edhe kur kemi bërë debate ka qenë për të mirë të punës. Ka pranuar vërejtjet që i kam thënë publikisht se duhen negociata për të arritur një marrëveshje. I kam thënë të heqë dorë nga qeveria teknike dhe numërimi elektronik. Ne aleatët kemi influencuar shumë që të zbresë nga kërkesat e tij dhe ja ku u arrit”,- tha ai.
Kreu i PAA-së tregon se pas arritjes së marrëveshjes ka folur në telefon me Lulzim Bashën dhe kanë shkëmbyer urime. Duka bën parashikimin e tij edhe për renditjen e tre forcave kryesore në zgjedhje ndërsa duke vendosur PS dhe PD forca të para dhe fill pas tyre LSI-në.
“Ndërsa kur u takuam ditën tjetër bashkë me aleatët dhe na tregoi kushtet e marrëveshjes shpreha pakënaqësinë time për koalicionin. Një gjë di, besoj që PS dhe PD do luftojnë për të qenë forcë e parë dhe LSI do jetë pas tyre.”- tha ai.
