Marrëveshja me Greqinë, Berisha: Rama ka “paditur” Metën për çështjen e detit

Ish-kryeministri Sali Berisha ka hedhur akuza të forta ndaj qeverisë e cila sipas tij ka lidhje me bandat kriminale, ndërsa i bëri thirrje kompanive të telekomunikacionit që të zbardhin thirrjet telefonike.
Gjatë deklaratës nga foltorja e Kuvendit, Berisha tha se Rama ka “paditur” presidentin shqiptar përballë ministrit të jashtëm grek Nikos Dendias për çështjen e detit.
“Rritjet e çmimeve janë rritur në mënyrë katastrofale. 3 herë janë rritur më shumë, ju nuk keni problem. Ushqimet po rriten në mënyrë të papërmbajtur të gjithë këto falë bordeve tuaj. Me bordet qeveria ka sigurua 300 milion shtesë në të ardhurat e saj, 300 milionë euro të grabitur nga xhepat e shqiptarëve me rritjen e çmimeve nëpërmjet borxheve. Unë i garantoj anëtarët e bordeve se do të përgjigjen për krime kushtetuese dhe mos përdoren si vegla të Edi Ramës dhe si hanxhar mbi të varfrit.”
Gjithashtu, Berisha është shprehur se Presidenti i Republikës duhet të japë autorizimin për fillimin e negociatave, sipas tij dhe më pas çështja shkon për në gjykatë, kurse nga ana tjetër Edi Rama që padit Presidentin nuk ka çuar asnjë kërkesë.
“Këto ditë u publikua intervista e ministrit të jashtë të Greqisë mbi të cilat ai informon se Edi Rama ka paditur Presidentin e Republikës. Shqiptarët ta arsyetojnë këtë gjë, unë nuk e kam të vështirë për të vendosur epitet. Presidenti i Republikës i cili duhet të japë autorizimin për fillimin e negociatave dhe më pas çështja shkon në gjykatë, kurse Edi Rama që padit Presidentin nuk ka çuar asnjë kërkesë. Një kryeministër që padit presidentin kur nuk ka dërguar kërkesë gjykoni vetë çfarë përfaqëson dhe gjykoni çfarë malli është Edi Rama. Ky është një akt i ulët në ultësinë më të madhe, përbën një akt që e denoncoj këtu me forcën më të madhe.”
Së fundmi, Berisha e ka mbyllur fjalën e tij duke u shprehur se sipas tij është shtet që vjedh gjithë natën dhe krenohet ditën. Ai gjithashtu u drejtohet kompanive telefonike të nxjerrin tabulatet telefonike të qeverisë me bandat kriminale.
“Nëse Presidentin nuk do të firmoste ai do të njoftonte opinionin publik shqiptar dhe jo të ankohet tek ministri grek pa informuar shqiptarët, çfarë shteti është ky? Është shtet që vjedhin gjithë natën dhe rrahin gjoksin ditën. U bëj thirrje të kompanive telefonike që të nxjerrin tabulatet telefonike të qeverisë me bandat kriminale. Nuredin Dumani, Talo cela, Suel Cela të cilët i kanë këtu në parlament para meje përfaqësues të tyre ndaj hapni letrat dhe nxirrni dokumentet dhe do të shikoni kush është më i rrezikshëm.”