The Sun: “Historia shkruhet: Sadiku siglon vendin e tretë me golin e parë të Shqipërisë në Kampionatin Europian”
“E gjithë bota tashmë e njeh Shqipërinë” shkruan e përditshmja spanjolle “Marca”. Gazeta prestigjioze spanjolle vlerëson maksimalisht kombëtaren shqiptare duke parashikuar se tashmë ata shpreojnë të kualifikohen. Mediat kryesore të Botës kanë shkruar për Shqipërinë dhe kjo falë kuq e zinjve të kombëtares shqiptare. Një fitore historike në një eveniment që Shqipëria e prek për herë të pare ka zënë vënd në mediat të rëndësishme. “Historia shkruhet: Sadiku siglon vendin e tretë me golin e parë të Shqipërisë në Kampionatin Europian”, ky ishte titulli i britanikes “The Sun” në lidhje me fitoren e kombëtares sonë.
Ndërkohë që një festë shqiptare e cilëson prestigjozja gjermane “Bild” suksesin e kuqezinjve në përballjen kundër Rumanisë, “kombëtarja e vogël arrin fitoren e parë Europiane”.
Vëmëndje ndaj përfaqësueses shqiptare ka ardhur edhe nga përtej Atlantikut, ku kanali i njohur sportiv ESPN shkruan: “Shqipëria është ende gjallë dhe shpreson tek kualifikimi”.
