Kryetari i BDI-së Ali Ahmeti, ka tërhequr pesë ministrat e tij nga qeveria e Maqedonisë. Vendimi është marrë në mbledhjen e mbrëmshme të forumeve të kësaj partie. Mediat në Maqedoni kanë zbardhur detaje të vendimit të Ali Ahmetit për tërehqejne ministrave nga qeveria të cilat duket se lidhen me skandalin seksual të zvkryeministrit Musa Xhaferri me deputeten Ermira Ahmeti.
Sipas mediave maqedonase duket se ka pasur një presion nga vetë ministrat e Bashkimit Demokratik ndaj kryetarit Ali Mehmeti me qëllim që ky i fundit të shkarkonte zv/kryeministrin Musa Xhaferri.
Pas debateve të shumta Ahmeti ka ndërmarrë vendimin e tërheqjes së 5 ministrave nga kabineti qeveritar.
Po kështu mësohet se Ahmeti i ka kërkuar dorëheqjen Xhaferrit, por ky i fundit nuk ka pranuar, çka ka çuar Ali Mehmetin në vendimin për tërheqjen e 5 ministrave shqiptarë nga kabineti qeveritar.
