Në Maqedoninë e Veriut ditën e sotme pritet që Kuvendi të votojë qeverinë e re.
Para deputetëve është propozimi i mandatarit Zoran Zaev për qeveri të re, ndërsa afati i fundit për votimin e qeverisë është deri nesër në mesnatë.
Në fillim të seancës Zaev u shpreh se një nga detyrat e para me të cilat do të përballet qeveria e re do të jetë ballafaqimi me krizën e shkaktuar nga koronavirusi Kovid-19.
“Si kryeministër bashkë me kabinetin do të dëshmojmë se mundemi, mundemi edhe më shumë edhe më mirë. Shteti jonë dhe e gjithë bota tanimë në një kohë të gjatë po gjendemi në një situatë jo të lakmueshme të shkaktuar nga koronavirusi Kovid-19. Andaj me formimin e kësaj qeverie e para që do të bëjmë është të ballafaqohemi me krizën e shkaktuar nga koronavirusi Covid-19”, ka thënë ai.
