Një incident i ri është shmangur sot në Parlamentin e Maqedonisë, mes deputetëve të VMRO-DPMNE-së dhe kryetarit të Parlamentit, Talat Xhaferi.
Deputeti i VMRO-DPMNE-së, Vllatko Gjorçev ka marrë fjalën në foltore pa i dhënë leje kryetari i Parlamentit Talat Xhaferi.
Pas disa paralajmërimeve, Gjorçev nuk është larguar nga foltorja, kurse kryeparlamentari Xhaferi, thirri sigurimin e Parlamentit, për ta larguar deputetin e VMRO-DPMNE-së.
Pas urdhërit të Xhaferit, në foltore kanë dalë edhe disa deputetë të VMRO-DPMNE-së, gjë pas të cilës Xhaferi është detyruar të ndërpresë seancën.
