Sot me rastin 130 vjetorit të shkollës së parë të gjuhës shqipe, ditës së mësuesit, Agjencia e Lajmeve Zhurnal “ekskluzivisht” mëson se është sulmuar Muzeu i Alfabetit në Manastir.
Ky sulm për ta djegur Muzeun e Alfabetit në Manastir ka ardhur nga disa huligan maqedonas “nacionalist” që “urrejnë” gjithçka që ka të bëjë me historikun e shqiptarëve. Kjo vjen edhe pas protestave të shumta ditëve të fundit që po ndodhin kundër zyrtarizimit të gjuhës shqipe në Maqedoni, me çka huliganët maqedonas me këtë rast kanë shprehur edhe njëherë paknaqësinë kundër këtij vendimi duke sulmuar Muzeun e Alfabetit në gjuhën shqipe.
Lajmin për sulmin ndaj Muzeut të alfabetit në Manastir e ka konfirmuar dhe Ministria e Punëve të Brendshme .
“Policia e Manastirit ka siguruar kamerat e sigurisë dhe një shishe molotovi e ka nisur për ekspertizë kriminalistike në Shkup, që të mund të sigurohen provat e nevojshme për kryerësit e veprës. Është kyçur edhe sektori i krimit të organizuar dhe shërbimet e sigurisë dhe kundërzbulimit. Është urdhëruar edhe hapja e verifikimeve operative dhe plan operativ”, kanë theksuar nga MPB për Zhurnal.
