Manuel Neuer do të vazhdojë të jetë pjesë e Bayern Munich edhe për një tjetër sezon.
Sipas raportimeve nga mediet gjermane, portieri veteran ka arritur marrëveshjen me klubin bavarez për rinovimin e kontratës deri në verën e vitit 2027.
Kontrata aktuale e Neuer skadon më 30 qershor, por palët kanë gjetur akordin për vazhdimin e bashkëpunimit.
Megjithatë, marrëveshja e re parashikon ulje të pagës së gardianit gjerman krahasuar me kontratën aktuale.
40-vjeçari përfitonte rreth 20 milionë euro në sezon, ndërsa në kontratën e re paga do të jetë më e ulët.
Gjithashtu, Neuer ka pranuar që sezonin e ardhshëm të reduktojë numrin e paraqitjeve, duke i hapur më shumë hapësira portierit të ri Jonas Urbig.
Drejtuesit e Bayernit pritet ta bëjnë zyrtare marrëveshjen në ditët e ardhshme, përpara sfidës së fundit të sezonit në Bundesligës ndaj Köln.
Neuer konsiderohet një nga portierët më të mëdhenj në historinë e futbollit dhe vazhdon të mbetet një figurë kyçe te gjiganti bavarez, pavarësisht moshës dhe konkurrencës në skuadër.
