Ministrja e Shëndetësisë, Ogerta Manastirliu është ndalur ditën e sotme në spitalin Covid3, ndërsa ka zhvilluar një takim me personelin shëndetësor.
Ajo tha se synohet që brenda dy javëve të marsit të mbyllet edhe procesi i vaksinimit për bluzat e bardha.
Manastirliu i bëri apel qytetarëve që të tregohen vigjilent dhe të respektojnë masat për parandalimin e përhapjes së Covid-19.
“Jemi në një situatë delikate dhe gjithë angazhimi i personelit shëndetësor në të gjitha spitalet Covid është drejtuar tek shërbimi i pacientëve. Janë më shumë se 600 pacientë duke u trajtuar në spitalet tona Covid”, tha Manastirliu.
