Anëtari i Këshillit Kombëtar të Partisë Demokratike, Jamarbër Malltezi i është përgjigjur akuzave të kreut të grupit parlamentar të Partisë Socialiste,Taulant Ballës. Malltezi e quan Ballën mashtrues dhe i kujton dënimin nga Gjykata e Tiranës për shpifje.
“Mashtruesit të PS: nxirr provat para shqiptarëve e leri filmat dhe shpifjet. Ke 10 vjet që shpif dhe filmat e t’u të soc realizmit janë bajate. Nxirr provat para shqiptarëve që t’i shohin të gjithë. Nuk pate asnjë provë a asnjë fakt e u gjete shpifës nga gjykata e shkallës së parë. Tani ke 8 vjet që ke bllokuar gjykimin në gjykatën e lartë. Sot don të fshihesh pas spak. Në fakt spak ka dy vjet që nuk të jep përgjigje pasi duhet të të akuzojë për kallzim të rreme. Dhe të jesh i bindur se kjo të pret. Po të kesh prova e fakte eja silli në gjykatë të shpëtosh edhe nga dënimi për shpifje. Përballu me drejtësinë pa frikë qoftë për shpifjet 10-vjecare dhe qoftë për kallzim të rreme n♪7 SPAK!”, shkruan Malltezi.
Privatizimi i kompleksit ‘Partizani’ është një dosje që tashmë e ka në dorë Prokuroria e Posaçme. Në këtë padi të bërë më herët nga Balla akuzohen për shpërdorim detyre ish-kryeministri Berisha, dhëndri i tij Jamarbër Malltezi dhe ish-ministri Arben Imami. Sot, Balla shkroi sërish në SPAK, sipas tij për të dorëzuar prova të reja.
